![](https://asset.cambodia.gov.kh/provincial/sites/17/2022/10/IMG_20221009_185927_873-1024x615.jpg)
នៅព្រឹកថ្ងៃទី ០៩ ខែតុលាឆ្នាំ ២០២២ ឯកឧត្តមមាសសុភាទេសរដ្ឋមន្ត្រីរដ្ឋមន្ត្រីទទួលបន្ទុកបេសកកម្មពិសេសនិងជាប្រធានក្រុមការងារចុះមូលដ្ឋានខេត្តព្រះវិហារ អមដំណើរដោយឯកឧត្តមប្រាក់សុវណ្ណ ប្រធានក្រុមប្រឹក្សាខេត្ត ឯកឧត្តមគីម រិទ្ធី អភិបាលខេត្ត ឯកឧត្តមឡុង សុវណ្ណ ទីប្រឹក្សារាជរដ្ឋាភិបាល និងលោកលោកស្រីអភិបាលរងខេត្តប្រធានមន្ទីរពាក់ព័ន្ធ អភិបាលក្រុងព្រះវិហារនិងមន្ត្រីពាក់ព័ន្ធជាច្រើនរូប អញ្ជើញចុះពិនិត្យស្ថានភាពហេដ្ឋារចនាសម្ព័ន្ធទំនប់សន្តរពិសេសស្រូវស្រែចម្ការរបស់ប្រជាពលរដ្ឋ ដែលរងការខូចខាតឲ្យទឹកជំនន់ស ស្ថិតក្នុងភូមិភារកិច្ច សង្កាត់ប៉ាលហាល ក្រុងព្រះវិហារ ខេត្តព្រះវិហារ ។
ក្នុងឱកាសនោះដែរឯកឧត្តមមាសសុភាក៏បានអញ្ជើញចុះពិនិត្យស្ថានភាពវឌ្ឍនភាពការសាងសង់ទំនប់សន្តរដែលអនុវត្តដោយមន្ទីរសាធារណការនិងដឹកជញ្ជូន ស្ថិតក្នុងភូមិភារកិច្ច សង្កាត់ប៉ាលហាល ក្រុងព្រះវិហារ និងបានថ្លែងអំណរគុណដល់ ថ្នាក់ដឹកនាំ មន្ទីរអង្គភាពជុំវិញខេត្ត និងកោតសរសើរដល់មន្ទីរសាធារណការ និងដឹកជញ្ជូនខេត្ត ដែលបានខិតខំប្រឹងប្រែងសម្រេចបាន៥០% ពិសេសកសាង ស្ពាន ផ្លូវថ្នល់ ទំនប់ក្នុងខេត្តព្រះវិហារ ឱ្យមានការរីកចម្រើន។ ឯកឧត្តមបានបន្តទៀតថា ការសាងសង់ទំនប់សន្តរ ឬផ្លូវក្រវាត់ក្រុង នេះ គឺដើម្បីទប់ទឹកជំនន់ដែលហៀរហូរចេញពីដងស្ទឹងសែន ចូលទៅក្នុងទីប្រជុំជនក្រុង ដោយសារជំនន់ទឹកភ្លៀង និងការបិទទ្វារទំនប់អាងទឹករក្សា។
ក្នុងឱកាសនោះដែរ ឯកឧត្តមទេសរដ្ឋមន្ដ្រី ក៏បាននាំយកសម្ភារៈ គ្រឿងឧបភោគ បរិភោគ មួយចំនួនផ្ដល់ជូនក្រុមការងារសាងសង់រួមមានះ អង្ករ ១៥០គីឡូ ទឹកក្រូច៦កេស ទឹកសុទ្ធ៦កេស ត្រីខ៦ យួរ មី៦កេស គុយទាវ៦កេស ទឹកត្រី៦។
![](https://asset.cambodia.gov.kh/provincial/sites/17/2022/10/IMG_20221009_185914_136-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_185916_083-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_185917_681-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_185922_761-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_185932_615-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_185941_321-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_190359_038-1024x682.jpg)
![](https://asset.cambodia.gov.kh/provincial/sites/17/2022/10/IMG_20221009_190405_975-1024x682.jpg)