![](https://asset.cambodia.gov.kh/provincial/sites/17/2022/09/IMG_20220914_093949_801-1024x683.jpg)
![](https://asset.cambodia.gov.kh/provincial/sites/17/2022/09/IMG_20220913_184448_712-1024x684.jpg)
ឯកឧត្តម គីម រិទ្ធី អភិបាល នៃគណៈអភិបាលខេត្ត
ទទួលជួបសម្តែងការគួរសមជាមួយជាមួយប្រតិភូអាមេរិកដឹកនាំដោយឯកឧត្តម W.PATRICK MURPHY ឯកអគ្គរដ្ឋទូតសហរដ្ឋអាមេរិកប្រចាំកម្ពុជានៅរសៀល ថ្ងៃទី១៣ ខែកញ្ញា ឆ្នាំ២០២២ ដោយមានការចូលរួមឯកឧត្តម សមាជិកក្រុមប្រឹក្សាខេត្ត អភិបាលរងខេត្ត លោកនាយករដ្ឋបាលសាលាខេត្តនៅសាលសវនាការសាលាខេត្តព្រះវិហារ ។
មានប្រសាសន៍នាឱកាសនោះឯកឧត្តម គីម រិទ្ធី អភិបាលខេត្តបានបានសម្ដែងនូវគារវកិច្ចគោរពស្វាគមន៍យ៉ាងកក់ក្តៅបំផុត ចំពោះវត្តមានរបស់ឯកឧត្តម
W.PATRICK MURPHY ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា ដែលបានឆ្លៀតឱកាសដ៏មមាញឹកផ្តល់កិត្តិយសអញ្ជើញជួបសម្តែងការគួរសម នៅលើទឹកដីនៃខេត្តព្រះវិហារ ។
ឯកឧត្តមអភិបាលខេត្តក៏បានជម្រាបជូនសក្កានុពលវិស័យនិងការអភិវឌ្ឍក្នុងខេត្តព្រះវិហារក្រោមការដឹកនាំដ៏ឈ្លាសវៃសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ជាពិសេសការងារទប់ស្កាត់ការរីករាលដាលជំងឺកូវីដ១៩ ប្រកបដោយប្រសិទ្ធភាព ព្រមទាំងជំរុញប្រជាពលរដ្ឋចាក់វ៉ាក់សាំងឲ្យបានគ្រប់គ្នា។
ឯកឧត្តមអភិបាលខេត្តក៏បានថ្លែងអំណរគុណដល់ឯកឧត្តមអគ្គរដ្ឋទូត ក៏ដូចរាជរដ្ឋាភិបាលសហរដ្ឋអាមេរិកដែលផ្តល់មូលនិធិគាំទ្រដល់រាជរដ្ឋាភិបាលកម្ពុជា ពិសេសខេត្តព្រះវិហារតាមរយះគម្រោងសុខភាពសាធារណៈ គម្រោងអភិរក្សជីវៈ ការងារអភិរក្សបេតិកភណ្ឌ អាហារូបត្ថម្ភ និងសុខភាពជាដើម ។
![](https://asset.cambodia.gov.kh/provincial/sites/17/2022/09/IMG_20220914_094025_095-1024x684.jpg)
![](https://asset.cambodia.gov.kh/provincial/sites/17/2022/09/IMG_20220913_184448_712-1-1024x684.jpg)
![](https://asset.cambodia.gov.kh/provincial/sites/17/2022/09/IMG_20220914_094020_112-1024x684.jpg)
![](https://asset.cambodia.gov.kh/provincial/sites/17/2022/09/IMG_20220913_184434_152-1024x683.jpg)
![](https://asset.cambodia.gov.kh/provincial/sites/17/2022/09/IMG_20220914_094020_112-1-1024x684.jpg)