![](https://asset.cambodia.gov.kh/provincial/sites/17/2021/12/F6C1CF43-3FAF-4F26-A1DC-F376AEADBF42-1024x682.jpeg)
![](https://asset.cambodia.gov.kh/provincial/sites/17/2021/12/AE86BDE0-31CE-4308-9769-68C1BDE0BD6D-1024x682.jpeg)
រដ្ឋបាលខេត្តព្រះវិហារ នាថ្ងៃទី ០៦ ដល់ថ្ងៃទី ១០ ខែធ្នូ ឆ្នាំ២០២១មានរៀបចំពិធីបើកសិក្ខាសាលាផ្សព្វផ្សាយ គោលនយោបាយជាតិគាំពារ និងអភិវឌ្ឍកុមារតូចក្នុងវិស័យព័ត៌មាន ក្រោមអធិបតីភាពឯកឧត្តម ថាច់ ផែន រដ្ឋលេខាធិការក្រសួងព័ត៌មាន និងលោកជំទាវ ប៉ាង រ៉ាវី អភិបាលរងខេត្ត និងមានការចូលរួមពីសំណាក់ ថ្នាក់ដឹកនាំមន្ទីរព័ត៌មាន បណ្ដាខេត្តមួយចំនួន ថ្នាក់ដឹកនាំមន្ទីរជុំវិញខេត្ត នឹងមន្រ្តីរាជការមន្ទីរព័ត៌មានខេត្តជាច្រើនរូប ។
មានប្រសាសន៍ស្វាគមន៍លោកស្រី ហែម សុគុណពិសី ប្រធានមន្ទីរព័ត៌មានខេត្តព្រះវិហារ បានសម្ដែងការសាទរចំពោះវត្តមានប្រតិភូក្រសួងព័ត៌មាន ព្រមទាំងថ្នាក់ដឹកនាំមន្ទីរព័ត៌មាន ដែលបានអញ្ជើញមកពីបណ្ដាខេត្តមួយចំនួន និងថ្នាក់ដឹកនាំមន្ទីរអង្គភាពជុំវិញខេត្ត ។ លោកស្រីប្រធានមន្ទីរក៏បានជម្រាបជូនអំពីរចនាសម្ព័ន្ធក្នុងអង្គភាពនៃមន្ទីរព័ត៌មានខេត្តព្រមទាំងសកម្មភាពនៃការអនុវត្តជាប្រចាំនៅក្នុងអង្គភាព ។
លោកជំទាវ ប៉ាង រ៉ាវី អភិបាលរងខេត្តព្រះវិហារ បានជំរុញដល់សិក្ខាកាមទាំងអស់ ត្រូវយកចិត្តទុកដាក់ខ្ពស់ក្នុងការក្រេបយកនូវចំណេះដឹង អំពីសេវាគាំពារនិងការអភិវឌ្ឍកុមារតូច ចាប់ពីចាប់កំណើតរហូតដល់អាយុក្រោម០៦ឆ្នាំព្រមទាំងការទទួលបាននៅសេវាថែទាំសុខភាពរបស់មាតានិងដំណោះស្រាយនានាចំពោះការប្រឈមរបស់កុមារតូចនិងមាតាចាប់ពីមានផ្ទៃពោះរហូតដល់សម្រាល ។លោកជំទាវក៏បានបន្ថែមទៀតថា កុមារតូចចាប់ពីថ្ងៃសម្រាល រហូតដល់ថ្ងៃសិក្សាគឺមានការអភិវឌ្ឍន៍ផ្នែករាងកាយចំណេះដឹង និងប្រាជ្ញាស្មារតី និងអារម្មណ៍ ។
មានប្រសាសន៍បើកសិក្ខាសាលាឯកឧត្តម ថាច់ ផែន រដ្ឋលេខាធិការក្រសួងព័ត៌ មានបានបញ្ជាក់ថា កុមារចាប់តាំងពីចាប់កំណើតរហូតដល់ពេលប្រសូត និងដល់អាយុក្រោម ០៦ឆ្នាំគឺទាមទារឲ្យមានការថែទាំយកចិត្តទុកដាក់ពីសំណាក់ឪពុកម្ដាយដើម្បីបង្កើនភាពស្និតស្នាលនឹងមានភាពរឹងមាំផ្នែកអារម្មណ៍បញ្ញាស្មារតីទាំងនេះគឺការចាប់ផ្ដើមនៃការអភិវឌ្ឍរបស់កុមារតូចឆ្លើយតបនឹងបញ្ហានេះប្រមុខរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជាប្រមុខបានផ្ដោតការយកចិត្តទុកដាក់យ៉ាងសំខាន់ទៅគោលនយោបាយជាតិគាំពារនិងអភិវឌ្ឍន៍កុមារតូចដែលមានការសហការជាមួយក្រសួងពាក់ព័ន្ធនឹងត្រូវបានផ្សព្វផ្សាយយ៉ាងទូលំទូលាយពីសំណាក់ក្រសួងព័ត៌មានសិក្ខាសាលាបានបន្តអនុវត្តយ៉ាងសកម្មទៅតាមកម្មវិធីនិងរបៀបវារៈដែលបានគ្រោងទុក ៕
![](https://asset.cambodia.gov.kh/provincial/sites/17/2021/12/256EB44F-301F-4DB6-8383-ACE21D2539B8-1024x682.jpeg)
![](https://asset.cambodia.gov.kh/provincial/sites/17/2021/12/10D5D1A1-933C-4C65-BA65-0A374EC39C11-1024x682.jpeg)
![](https://asset.cambodia.gov.kh/provincial/sites/17/2021/12/4FB903B9-AC87-412A-B151-2FE6B49D561E-1024x682.jpeg)
![](https://asset.cambodia.gov.kh/provincial/sites/17/2021/12/2BF92073-3699-4392-9CE2-412CEDA2B3E5-1024x682.jpeg)
![](https://asset.cambodia.gov.kh/provincial/sites/17/2021/12/9661FFED-D43C-44E2-9986-4A26C9E62617-1024x682.jpeg)
![](https://asset.cambodia.gov.kh/provincial/sites/17/2021/12/7840AF6E-B003-42A2-9A15-CD46DBDDE06D-1024x682.jpeg)