![](https://asset.cambodia.gov.kh/provincial/sites/17/2021/07/A784A5A3-9439-4FA9-A093-52C3B5D8966A.jpeg)
នាព្រឹកថ្ងៃទី១៥ ខែកក្កដា ឆ្នាំ២០២១ ពិធិប្រកាសចូលកាន់តំណែង និងបំពេញការងារអភិបាលរង នៃគណៈអភិបាលខេត្តព្រះវិហារ ក្រោមអធិបតីភាពឯកឧត្តមប្រាក់ សុវណ្ណ អភិបាលខេត្តព្រះវិហារ ឯកឧត្តម ឡុង សុវណ្ណប្រធានក្រុមប្រឹក្សាខេត្តព្រះវិហារ និងមានការចូលរួមពីឯកឧត្តម លោកសមាជិកក្រុមប្រឹក្សាខេត្ត អភិបាលរងខេត្តព្រះរាជអាជ្ញាអមសាលាដំបូងខេត្ត មេបញ្ជាការកងកម្លាំងទាំងបី ប្រធានមន្ទីរអង្គភាពជុំវិញខេត្ត នៅសាលប្រជុំសាលាខេត្តព្រះវិហារ ។
មានប្រសាសន៍នាឱកាសនោះ ឯកឧត្តម ប្រាក់ សុវណ្ណ អភិបាលខេត្តព្រះវិហារ ថ្លែងការកោតសសើរពីការខិតខំបំពេញភារកិច្ចរបស់លោកលោកស្រីអភិបាលរងខេត្ត ថ្នាក់ដឹកនាំមន្រ្តីរាជក្នុងខេត្តរយះពេលកន្លងមកជាពិសេសលោកគោស៊ុំ ប៊ុនសឿត ដែលត្រូវផ្ទេរភារកិច្ចជំនួសដោយលោក យុង គឹមហ៊ាន ដែលត្រូវតែងតាំងជាអភិបាលរងខេត្តថ្មី និងធ្វើពិធីផ្សព្វផ្សាយនាពេលនេះ ស្របតាមគោលការណ៍ណែនាំរបស់ក្រសួងមហាផ្ទៃ ។ឯកឧត្តមអភិបាលខេត្តបន្តថា នៅបរិការនៃការឆ្លងរីករាលដាលជំងឺកូវីដ១៩នេះ យើងទាំងអស់គ្នា កាតព្វកិច្ចរួមសាមគ្គីគ្នាជាធ្លុងមួយចូលរួមរួម ជាមួយរាជរដ្ឋាភិបាលកម្ពុជាប្រយុទ្ធនឹងជំងឺកូវីដ១៩ដ៏កាចសាហាវនេះ និងអនុវត្តយ៉ាងម៉ឹងម៉ាត់នូវវិធានការណ៍៣ កុំ ៣ការពារតាមការណែនាំរបស់រាជរដ្ឋាភិបាលក៏ដូចក្រសួងសុខាភិបាល ដោយត្រូវរៀនរស់តាមគន្លង់ថ្មី ។
ឯកឧត្តមអភិបាលខេត្ត បានផ្តាំផ្ញើរដល់អភិបាលរងដែលទើបតែងតាំថ្មីត្រូវអនុវត្តបទបញ្ជារបស់រាជរដ្ឋាភិបាល បន្តថែរក្សាការពារសន្តិភាព ស្ថេរភាព នយោបាយ សន្តិសុខសណ្តាប់ធ្នាប់និងស្ថិរភាពសង្គមឲ្យបានល្អប្រសើរ រក្សាសាមគ្គីភាពផ្ទៃក្នុង ក្នុងជួរក្រុមប្រឹក្សា គណៈអភិបាល និងមន្រ្តីក្រោមឱវាទ ខិតខំបំពេញការងារប្រកបដោយស្មារតីយកចិត្តទុកដាក់ មានទំនួលខុសត្រូវខ្ពស់ ពិសេសសហការណ៍ល្អប្រសើរជាមួយអាជ្ញាធរគ្រប់លំដាប់ថ្នាក់ ដើម្បីអនុវត្តនូវកម្មវិធីកំណែទម្រង់របស់រាជរដ្ឋាភិបាល ក្នុងទិសដៅបម្រើផលប្រយោជន៍ប្រជាពលរដ្ឋ និងសង្គម ។
សូមបញ្ជាក់ថា ឯកឧត្តម យុង គឹមហ៊ាន ត្រូវបានរាជរដ្ឋាភិបាលតែងតាំងជាអភិបាលរងខេត្តព្រះវិហារ ស្របពេលឯកឧត្តម គោស៊ុំ ប៊ុនសឿត ត្រូវផ្ទេរភារកិច្ចជាអភិបាលរងខេត្តប៉ៃលិនវិញ ។
![](https://asset.cambodia.gov.kh/provincial/sites/17/2021/07/5AF9191A-0A26-40C1-BAAA-6E059B93B5CB-1024x682.jpeg)
![](https://asset.cambodia.gov.kh/provincial/sites/17/2021/07/46D04AE5-5A4F-4DE5-A5BA-CE29AFDA340A-1024x682.jpeg)
![](https://asset.cambodia.gov.kh/provincial/sites/17/2021/07/6A7DAD06-3B69-4A73-8E81-B8581B62D74C-1024x682.jpeg)
![](https://asset.cambodia.gov.kh/provincial/sites/17/2021/07/67F194EF-C029-4401-92FE-EA2E049F93DD-1024x682.jpeg)
![](https://asset.cambodia.gov.kh/provincial/sites/17/2021/07/325DB6CE-30B8-4B3E-8CC6-9CD1A4946C5E-1024x682.jpeg)