![](https://asset.cambodia.gov.kh/provincial/sites/17/2021/05/28D71178-C4F8-405A-A9F5-2FCDA4D62263-1024x575.jpeg)
នារសៀលថ្ងៃទី៣១ ខែឧសភា ឆ្នាំ២០២១ ឯកឧត្តម ប្រាក់ សុវណ្ណ អភិបាលខេត្ត ឯកឧត្តម ឡុង សុវណ្ណ ប្រធានក្រុមប្រឹក្សាខេត្ត អញ្ជើញក្នុងពិធីប្រគល់ទទួលសម្ភារបរិក្ខាពេទ្យ និងថេបប្លេត ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាជូនខេត្តទាំង០៦ ក្នុងមានខេត្តព្រះវិហារផងដែរ ។ក្នុងពិធីប្រគល់ទទួលនោះក៏បានការជាអធិបតីភាពដ(ខ្ពង់ខ្ពស់លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស លោកជំទាវ លី អាយលែន តំណាងអង្គការសុខភាពពិភពលោកប្រចាំកម្ពុជា ។
![](https://asset.cambodia.gov.kh/provincial/sites/17/2021/05/F5FEBEFA-38B9-4D0F-A944-5E5D5F8B3475-1024x575.jpeg)
មានប្រសាសន៍នាឱកាសនោះឯកឧត្តម ប្រាក់ សុវណ្ណ អភិបាលខេត្តក្នុងនាមប្រជាពលរដ្ឋទូទាំងខេត្ត មន្ត្រីរាជការ កងកម្លាំងទាំងអស់ និងក្នុងនាមខ្លួនខ្ញុំផ្ទាល់ ខ្ញុំសូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានផ្ដល់អំណោយថេបប្លេត និងសម្ភារបរិក្ខាពេទ្យជាច្រើនទៀត និងសូមគាំទ្រទាំងស្រុងចំពោះចំណាត់ការរបស់ រាជរដ្ឋាភិបាលកម្ពុជា ដែលមានសម្ដេចតេជោ ជាប្រមុខ ក្នុងការទប់ស្កាត់ការរាលដាលជំងឺកូវីដ១៩ ក៏ដូចជាផែនការចាក់វ៉ាក់សាំង ដែលមានលោកជំទាវជាប្រធានគណៈកម្មការ ក្រោមការចង្អុលបង្ហាញដ៏ត្រឹមត្រូវរបស់ សម្ដេចតេជោ នាយករដ្ឋមន្ត្រី ហើយក៏សង្ឃឹមយ៉ាងមុតមាំថា កម្ពុជានឹងឆ្លងផុតពីវិបត្តិសកលដ៏កាចសាហាវមួយនេះ នាពេលឆាប់ៗខាងមុខ ជាក់ជាមិនខានឡើយ។ហើយក៏សូមថ្លែងអំណរគុណយ៉ាងជ្រាលជ្រៅ ជូនដល់លោកជំទាវវេជ្ជបណ្ឌិត ឱ វណ្ណឌីន ដែលបានអញ្ជើញមកផ្ដល់កិត្តិយសប្រគល់នូវអំណោយដ៏ថ្លៃថ្លារបស់សម្ដេចតេជោ ដល់ក្រុមគ្រូពេទ្យខេត្តព្រះវិហារ និងសូមថ្លែងអំណរគុណយ៉ាងជ្រាលជ្រៅផងដែរ ជូនដល់លោកជំទាវវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំកម្ពុជា ដែលបានផ្ដល់ឧបករណ៍វាស់ អុកហ្ស៊ីហ្សែន ដល់ក្រុមគ្រូពេទ្យរបស់យើង។
ឆ្លៀតឱកាសនេះផងដែរ ខ្ញុំក៏សូមថ្លែងអំណរគុណ ដល់ក្រុមគ្រូពេទ្យ មន្ត្រីសុខាភិបាល ក៏ដូចជាអាជ្ញាធរគ្រប់លំដាប់ថ្នាក់ ដែលបានយកអស់កម្លាំងកាយចិត្ត និងធនធានផ្ទាល់ខ្លួន ដើម្បីប្រយុទ្ធប្រឆាំងនឹងជំងឺកូវីដ១៩ តាំងពីឆ្នាំកន្លងទៅ ហើយបាន និងកំពុងប្ដេជ្ញាតស៊ូបន្តទៀត រហូតដល់ជំងឺនេះ ផុតរលត់ពីពិភពលោកនេះតទៅ។
![](https://asset.cambodia.gov.kh/provincial/sites/17/2021/05/4059262A-2D72-4B6C-8BFB-85FF6221C076-1024x575.jpeg)
![](https://asset.cambodia.gov.kh/provincial/sites/17/2021/05/CAE9A931-2EB2-4F11-B149-49A4F8A2FAE7-1024x575.jpeg)
![](https://asset.cambodia.gov.kh/provincial/sites/17/2021/05/0249EDBC-9B24-4463-B157-B51F70798EB0-1024x682.jpeg)
![](https://asset.cambodia.gov.kh/provincial/sites/17/2021/05/32DA5602-91D4-4A33-BA1F-A04368374BD3-1024x575.jpeg)
![](https://asset.cambodia.gov.kh/provincial/sites/17/2021/05/71C63816-A423-414E-BEE0-70D8708AE053-1024x575.jpeg)