![](https://asset.cambodia.gov.kh/provincial/sites/17/2020/03/7A8D9C2D-6A5E-4CFD-B29B-E3C3CAF2D829-1024x768.jpeg)
នារសៀលថ្ងៃទី២០ ខែមីនា ឆ្នាំ២០២០ រដ្ឋបាលខេត្តព្រះវិហារ បានបើកកិច្ចប្រជុំពិនិត្យពិគ្រោះយោបល់លើសេចក្តីព្រាងផែនការអភិវឌ្ឍខេត្ត២០២០~២០២៤ របស់រដ្ឋបាលខេត្តព្រះវិហារ ក្រោមអធិបតីភាពឯកឧត្តម ប្រាក់ សុវណ្ណ អភិបាលខេត្ត និងប្រធានគណៈកម្មាធិការសម្របសម្រួលបច្ចេកទេស ខេត្តព្រះវិហារ ដោយមានការចូលរួមពីនាយករដ្ឋបាលសាលាខេត្ត អភិបាលក្រុង ស្រុក ប្រធានមន្ទីរអង្គភាពជុំវិញខេត្ត នាយទីចាត់ការ ប្រធានអង្គភាពចំណុះរចនាសម្ព័ន្ធ ជាច្រើនរូប ។
ឆ្លៀតក្នុងឱកាសនោះដែរ ឯកឧត្តមអភិបាលបានក្រើនរំលឹកដល់អាជ្ញាធរក្រុង ស្រុក ត្រូវពង្រឹងការតាមដានត្រួតពិនិត្យលើស្ថានភាពនៅតាមមូលដ្ឋានខ្លួននៃបញ្ហាការរីករាលដាលវីរុសកូវី១៩ COVID19 ជាពិសេសត្រូវណែនាំដល់មន្រ្តី ប្រជាពលរដ្ឋរបស់ខ្លួន ឲ្យអនាម័យខ្លួន ការលាងដៃនិងសាប៊ូ អាល់កុល បានញឹកញាប់ និងជាប្រចាំ ក្នុងករណីសង្ស័យពីករណីនេះ ត្រូវរាយការណ៍ជាបន្ទាន់មករដ្ឋបាលខេត្ត និងបញ្ជូនទៅមណ្ឌលសុខភាពឫមន្ទីរពេទ្យ ដើម្បីពិនិត្យនិងតេសលទ្ធផល ។ទន្ទឹមនឹងនេះ ឯកឧត្តមអភិបាលខេត្ត ស្នើសុំឲ្យអង្គភាពទាំងអស់រួមគ្នាទប់ស្កាត់ព័ត៌មានក្លែងក្លាយលើគ្រប់រូបភាព ។
![](https://asset.cambodia.gov.kh/provincial/sites/17/2020/03/65257B18-32E0-497B-BDFC-E00DAF1EB01F-1024x768.jpeg)
![](https://asset.cambodia.gov.kh/provincial/sites/17/2020/03/890CA0D5-9436-4ABF-A66F-C3D650CF7631-1024x768.jpeg)
![](https://asset.cambodia.gov.kh/provincial/sites/17/2020/03/884A6D25-5E5E-4093-BDB0-97514BD4C74E-1024x768.jpeg)
![](https://asset.cambodia.gov.kh/provincial/sites/17/2020/03/F56E6EF7-9898-4D20-AE88-37924148E8CF-1024x768.jpeg)
![](https://asset.cambodia.gov.kh/provincial/sites/17/2020/03/22035F30-7F0C-458A-84BD-AF621014F139-1024x768.jpeg)
![](https://asset.cambodia.gov.kh/provincial/sites/17/2020/03/5BE2A2EF-DA52-45DD-927D-75CD17C55F7C-1024x768.jpeg)