ឯកឧត្តម ស៊ូ សិរី អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សុវណ្ណ អភិបាលខេត្តនាព្រឹកពីថ្ងៃទី១៥ ខែកុម្ភៈ ឆ្នាំ២០២០ បានអញ្ជើញចូលរួមរំលែកទុក្ខដល់គ្រួសារសពលោកព្រិន្ទបាលឯក ជិន ហាត់ មេក្រុមទី៣ កងអនុសេនាធំលេខ៣ វរសេនាតូចលេខ៣៨៥ ចំណុះកងពលតូចអន្តរាគមន៍លេខ៨ នៅគេហដ្ឋានគ្រួសារសព ភូមិសែនជ័យ ឃុំស្រអែម ស្រុកជាំក្សាន្ត ខេត្តព្រះវិហារ ដែលបានពលីជីវិតដោយសារជាន់មីន ក្នុងពេលបំពេញបេសកកម្ម ដើរល្បាតតាមព្រំដែន តាមបណ្តោយព្រំដែនកម្ពុជា-ថៃ ស្ថិតនៅចំណុចខាងត្បូងអន្លង់រាំង ជើងភ្នំប្រាំរយខាងកើត និងបាននាំយកនៅថវិកាចំនួន២លានរៀលជូនដល់គ្រួសារសព ។
សូមបញ្ជាក់ថាហេតុការណ៍ជាន់មីនេះកើតឡើងកាល ពីថ្ងៃទី១៤ ខែកុម្ភៈ ឆ្នាំ២០២០ តាមបណ្តោយព្រំដែនកម្ពុជា-ថៃ ស្ថិតនៅចំណុចខាងត្បូងអន្លង់រាំង ជើងភ្នំប្រាំរយខាងកើត។
