ព្រឹកថ្ងៃសុក្រ ០២ កេីត ខែបុស្ស ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៧ ខែធ្នូ ឆ្នាំ២០១៩ ឯកឧត្តម ស៊ូ សិរី អភិបាលរងខេត្តតំណាងដ៏ខ្ពង់ខ្ពស់ ឯកឧត្ដម ប្រាក់ សុវណ្ណ អភិបាលខេត្ត បានដឹកនាំកិច្ចប្រជុំស្តីពីការបូកសរុបរបាយការណ៍ប្រចាំត្រីមាសទី៤របស់គណៈកម្មការសម្របសម្រួលកម្មវិធីសហគមន៍ព្រៃឈើថ្នាក់ខេត្តព្រះវិហារ ស្ថិតនៅសាលប្រជុំខណ្ឋរដ្ឋបាលព្រៃឈើព្រះវិហារ ដោយមានការចូលរួម លោក ពឹង ទ្រីដា ប្រធានមន្ទីរកសិកម្ម និងលោកអភិបាលរងស្រុកឆែប.អភិបាលរងស្រុករវៀង.អភិបាលរងស្រុកជ័យសែន និងលោកនាយរងខណ្ឋព្រៃឈើខេត្ត គោលបំណងនៃកិច្ចប្រជុំគឺពិគ្រោះយោបល់ស្វែងរកភាពប្រឈម ដំណោះស្រាយផ្លាស់ប្ដូរបទពិសោធន៍ពង្រឹងអភិបាលកិច្ច និងផ្ដល់អនុសាសន៍ដេីម្បីធ្វើអោយប្រសើរឡើងនូវការអនុវត្តន៍ការងារសហគមន៍ព្រៃឈើនៅមូលដ្ឋានដេីម្បីឆ្លើយតបនឹងកម្មវិធីព្រៃឈើជាតិ ដោយមានការចូលរួមសហការជាមួយកម្មវិធីដៃគូលេីវិស័យព្រៃឈើ និងជលផលជំហានទី២ (PaFF2) គម្រោងនេះដឹកនាំអនុវត្តដោយអង្គការ (WFF) និងចូលរួមអនុវត្តដោយ មជ្ឈមណ្ឌលសម្រាប់មនុស្ស និងព្រៃឈើហៅកាត់ថា (RECOFTC) អង្គការផ្លាស់ប្ដូរបទពិសោធន៍អនុផលព្រៃឈេី (NTFP-EP) និងសមាគមន៍ថែរក្សាវប្បធម៌ និងបរិស្ថាន ហៅកាត់ថា (CEPA) ដោយគម្រោង(PaFF2) ជាគម្រោងក្រោមជំនួយបដិភាគរបស់ទីភ្នាក់ងារសហប្រតិបត្តិការដេីម្បីអភិវឌ្ឍនៃប្រទេសស្វីស ។
