រដ្ឋបាលខេត្តព្រះវិហារ

Preahvihear Administration

រដ្ឋបាលខេត្តព្រះវិហារ

Preahvihear Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

អភិបាលខេត្ត ដាក់បទបញ្ជាឲ្យអនុវត្តឲ្យមានប្រសិទ្ធភាពសេចក្តីជូនដំណឹងលេខ ២៧១៨ របស់ក្រសួងមហាផ្ទៃស្តីពីការបង្កើនសន្តិសុខសណ្តាប់ធ្នាប់ សាធារណៈក្នុងពិធីបុណ្យឯករាជ្យជាតិ និងព្រះរាជពិធីបុណ្យអ៊ុំទូក

ដោយ admin@preahvihear.gov.khចំនួនទស្សនា (752)

នារសៀថ្ងៃអង្គារ ០៩កើត ខែកត្តិក ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី០៥ ខែ តុលា ឆ្នាំ២០១៩ ឯកឧត្តម ប្រាក់ សុវណ្ណ អភិបាលខេត្ត និងជាប្រធានគណៈបញ្ជាការឯកភាពខេត្ត បានដឹកនាំកិច្ចប្រជុំគណៈបញ្ជាការ ឯកភាពខេត្ត និងមានការចូលរួមពីអភិបាលរងខេត្ត នាយករដ្ឋបាល មេបញ្ជាការកងកម្លាំងទាំងបី មេបញ្ជាការតាបណ្តោយព្រំដែន ប្រធានមន្ទីរ អង្គភាពជុំវិញខេត្ត អភិបាលក្រុងស្រុក អធិការនគរបាលក្រុង ស្រុក មេឃុំ ចៅសង្កាត់ និងមេប៉ុស្តិជាច្រើនរូប នៅសាលប្រជុំសាលាខេត្តព្រះវិហារ ។

មានប្រសាសន៍ក្នុងឱកាសនោះ ឯកឧត្តម ប្រាក់សុវណ្ណ បានសង្កត់ធ្ងន់លើសភាពការណ៍ទូទៅ និងស្តាប់នូវផែនការរបស់កងកម្លាំងទាំងបីក្នុងខេត្ត លើការបង្ការទប់ស្កាត់បទល្មើសនានា សភាការណ៍តាមបណ្តោយព្រំដែន ជាពិសេសផែនការបង្កា ទប់ស្កាត់ពីពួកអមិត្តទាំងក្នុងនិងខាងក្រៅ ដែលគ្រោងប្រមូលកម្លាំងបង្កចលាចលសង្គមនាថ្ងៃទី០៩ ខែវិច្ឆិកា ឆ្នាំ២០១៩នេះ ។

បន្ថែមពីនេះ ឯកឧត្តមអភិបាលខេត្ត និងជាប្រធាន គណៈបញ្ជាការឯកភាពរដ្ឋបាលខេត្តបានណែនាំ និងដាក់ចេញនូវបទបញ្ជាក្នុងការបង្កើនការប្រចាំការ សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមនៅចំពោះមុខរួមមាន៖
១\ស្នើឲ្យគណៈបញ្ជាការឯកភាពក្រុង ស្រុក ចូលរួមអនុវត្តឲ្យមានប្រសិទ្ធភាពនូវខ្លឹមសារសេចក្តីជូនដំណឹងលេខ២៧១៨ សជណ ចុះថ្ងៃទី៣០ ខែតុលា ឆ្នាំ២០១៩ ។ កងកម្លាំងសមត្ថកិច្ច និងអាជ្ញាធរពាក់ព័ន្ធ ត្រូវពង្រឹងការអនុវត្តផែនការការពារនិងទប់ស្កាតជនក្បត់ជាតិ សម រង្សី ។ត្រូវយកចិត្តទុកដាក់ការពារ សន្តិសុខសណ្តាប់ធ្នាប់តាមទីវត្តអារាម និងសន្តិសុខ សុវត្ថិភាពតាមលំនៅជូនជូនប្រជាពលរដ្ឋក្នុងព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែខាងមុខនេះ។ លើសពីនេះទៀត ត្រូវតាមដាន និងក្តាប់សភាពការណ៍ឲ្យបានគ្រប់ជ្រុងជ្រោយក្នុងភូមិសាស្រ្តរបស់ខ្លួនព្រមទាំងមានវិធានការឲ្យទាន់ពេលវេលាទៅលើសកម្មភាពកៀរគរកម្លាំងប្រមូលផ្តុំទទួលជនក្បត់ជាតិ សម រង្សី នៅរាជធានីភ្នំពេញនាថ្ងៃទី០៩ ខែវិច្ឆិកា ឆ្នាំ២០១៩ ដោយមិនត្រូវប្រហែសដោយប្រការណាមួយឡើយ ។
២\បង្កើនកិច្ចសហប្រតិបត្តិការណ៍ និងរក្សាទំនាក់ ទំនងល្អជាមួយខេត្តជាប់ព្រំដែនកម្ពុជា ថៃ ឡាវ ដោយពង្រឹងការផ្លាស់ប្តូរព័ត៌មានទៅវិញទៅមកជាប្រចាំ ដើម្បីបង្ក្រាប និងទប់ស្កាត់បទល្មើសឆ្លងដែន និងបទល្មើសផ្សេងៗទៀតនៅតាមបណ្តោយព្រំដែន។
៣\ប្រធានមន្ទីរអង្គភាព កងកម្លាំងសមត្ថកិច្ច ត្រូវចូលរួមដោះស្រាយបញ្ហារបស់ប្រជាពលរដ្ឋនៅក្នុងវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាខេត្ត។

បណ្ណាល័យព័ត៌មាន
សេវាពេញនិយម
សេវាថ្មីៗ

លេខទូរសព្ទទំនាក់ទំនងពេលមានអាសន្ន

PREAH VIHEAR WEATHER
ព័ត៌មានជាប់ទាក់ទង

[footer-info address=”អាសយដ្ឋានសាលាខេត្តព្រះវិហារ”   ភូមិកណ្តាល សង្កាត់កំពង់ប្រណាក ក្រុងព្រះវិហារ ខេត្តព្រះវិហារ​email=”info@Preahvihear.gov.kh” phone_number=”(+855) 64 210 896″ facebook=រដ្ឋបាលខេត្តព្រះវិហារ

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តព្រះវិហារ

កែប្រែចុងក្រោយ : 2 ថ្ងៃមុន